Ons spesialiseer in intieme seremonies wat elke belangrike fase van die lewe vier. Elke verpersoonlike seremonie, van troues en die hernuwing van troubeloftes tot inseënings en begrafnisse, is diep gegrond in Christelike waardes, om te verseker dat elke oomblik hartlik en betekenisvol is.
Ons verstaan die belangrikheid van hierdie heilige en spesiale oomblikke en ons doel is om julle unieke reis te eer terwyl ons help om herinneringe, wat vir ewig deur julle onthou sal word, te skep. Ons werk saam met julle om elke persoonlike voorkeure, wat julle storie en herinneringe vertel, in te korporeer en sodoende elke seremonie ‘n ware viering van liefde, hoop en geloof te maak. Of julle nou ‘n nuwe lewe saam begin, julle troubeloftes teenoor mekaar wil hernu, die afsterwe van ‘n geliefde wil herdenk of ‘n nuwe bondeltjie liefde aan die Here toe wil wy, is ons toegewyd daartoe om elke oomblik onvergeetlik en opbouend te maak. Ons help julle om ‘n kosbare en betekenisvolle ervaring, wat met julle geloof en waardes resoneer, te skep.
Ons spesialiseer daarin om onvergeetlikke oomblikke te skep vir elke lewens mylpaal.
Ons unieke en intieme seremonies, ‘n vol diens, die behartiging van die wetlike gedeelte of slegs ‘n kerkdiens, by die venue van jul keuse is net so uniek soos jul liefde.
Ons merkwaardige hernuwing van troubelofteseremonies sal julle ewige liefde op ‘n spesiale en betekenisvolle manier vier.
Ons intieme en kosbare insëeningseremonies by jou huis, by die kerk of spesiale venue van jul keuse verseker herinneringe wat vir ewig gekoester sal word.
Ons gedenkdienste is tasbaar met innige meegevoel en simpatie; by die venue van julle keuse om jul geliefde op jul unieke manier te herdenk.
Moet jy 'n unieke, sakpas, en intieme seremonie reël? Om meer oor ons professionele dienste uit te vind, kliek op die knoppie hieronder.
Dit is ons trots om uitsonderllike, onvergeetlike en intieme seremonies te behartig. Hier is wat ‘n paar families en paartjies oor ons predikante te sê het…
Pastoor Konrad Hinterlang het die perfekte seremonie vir ons troue by Jabulani Lapa behartig. Niks was gejaagd nie en ons het nie gedruk gevoel om klaar te kry nie. Ons het die heiligheid ervaar en ons het vreugde regdeur ons seremonie beleef. Ons het werklik ‘n wonderlike begin tot ons huwelik gehad. Ons sal nie enige iets wil verander nie! Ons familie se ervaring van pastoor Konrad was dat hy vriendelik is en dat sy teenwoordigheid vreedsaam en respekvol is. Hy het ‘n diep en intieme boodskap gebring en ons hele familie sal die seëninge en Woord van God, deur hom, onthou.
Pastoor Andries Nel het ‘n besonderse diens met soveel passie gedoen tydens ons troue, wat by Koinonia Christen Sentrum plaasgevind het, dat ons familielede hom beslis ook in die toekoms sal wil gebruik. Hulle woon nou elke Sondag pastoor Andries se kerkdienste by. Pastoor Andries het ons troue behartig soos ons dit wou gehad het, hy staan ons selfs nou by met berading. Hy sny nie bande as ‘n diens verby is nie – hy vorm bande en staan families by wanneer hulle hom nodig het, maak nie saak waarom nie.
Pastoor Konrad Hinterlang het, volgens ons familie en vriende, ‘n ligte, genotvolle en pragtige preek tydens ons troue by La Bita Events Wedding Venue gelewer. Ons het net positiewe terugvoer rakende die pastoor van almal af gekry. Al het pastoor Konrad ons nie persoonlik goed geken nie, het hy gepreek asof hy ons vir jare al ken! Dit was ‘n baie persoonlike Woord en ons kon nie vir beter vra nie! Hy het sefls so ver gegaan as om ‘n pienk das aan te trek sodat hy by ons tema kon pas! Ons is baie dankbaar dat hy ons getrou het.
Pastoor Andries Nel het ons trou seremonie by Bayette Country Estate baie spesiaal gemaak. Ek ken Pastoor vandat ek ‘n kind is en dit was so besonders dat hy ons spesiale dag behartig het! Selfs ons familie het van sy boodskap gehou. Die MC het selfs ‘n gedeelte van die preek as deel van sy toespraak tydens die onthaal gebruik.
Kontak Ons
Copyright © 2024 WedBay, All Rights Reserved. | Site by: Zebtech